1976 pan in, Rev. Pum Khan Nang in a na pat Chin State, 9 sung aa khua 1382 teng ii, khua tangthu khempeuh SDO zum, TEO zum, te tawn aa,a kaihkhop tu’n kum 30 (1976-2006) kum sung in Zomi Encyclopedia (ZE) Tedim Edition A pan Z dong khua 124 teng Main-10 leh Extra 10 a kigawm volume (20) tawh compilation a bawl tu-in a khet kizo siangta aa, gualzawhna kila ta hi.

Tedim Edition simloh Township 8 teng zong a ban ah, kisep sawm lai hi. ZE Tedim Edition Volume pen Thudot Contributor Pupi 950 val teng in Official Document item tuamtuam 850 val siksan aa, kigelh hi aa, Volume khat ciang laimai 500 ta in, ki-binding ding ahi hi. Hih volume te sung ah Genealogy khangsim na (Beh 280 val) te ii family tree, BC 2000 pan AD 2008 kum kikal aa, Zomite kumsim thupiang thuteng, Zogam ah Christian upna hong tun maa aa, puleh pate biak dawinam 400 teng ii pianna, thoihna, phuisam kammalte a kim in, Zomi Bigraphy Volume te sung ah Ordination Pastor-te mimal tangthu ciat, galkap uliante mimal tangthu Civil lam uliante mimal tangthu ciat, kithuah ding hi.

Zotual lai ahi, Pu Paucinhau tung aa Pasian piak Siampi laimal leh Vantung laimalte zong a gelh zia, a simna leh a zatna teng tawh Dictiionary in kibawl san laitak hi. Tua ban ah Paunak 2000 val, khanglui thu ciin tradition saying 2000 val Laisiangtho Verse by verse aa, Zola dawng tawh a kiphuak khuang leh zam tawh kithuah thei ding thute leh Adam pan minam pite pianna teng ( Negroid, Mongoloid, Caucasoid, Australoid)te a kipan Tibeto- Burman ah Zomi namte pianna tawh kizom suak, Kawlgam sung minam 153te kizopna teng Chart tawh a kim in kithuah in kiguang hi. Tua ban ah lakamte, Pau upate kamkileh bulhte cih nopna kival lak kammalte simna tawh kisai kammalte leh u leh nau kilawh dan, kizopdan tuamtuamte leh item tampi tak kiguang beh lai hi.

Hih thuteng tawh kisai in, His Exelency Dr. Vum Ko Hau, Ph.D (Cum Laude), Deputy Director General C. Prof. Thang Za Tuan, Minister of Home Affairs Pu Tual Khaw Mang, Dr. Dallian Haokip, Principal, Blue Star Academy, New Lamka; Dr. Tualcin Neihsial, Professor, Manipur University; Dr. Thang Khan Piang, Civil Surgeon, Manipur; Dr. Hatzaw Hausuan, G.S., CBA, New Lamkate in Recommandation Panpihna laipite limtakin piaciat uh hi.

USA gam aa om Zomi doctracte teng tung ah zong recommandation kingen aa, kuamah tung pan kingah nailo hi. Tu laitakin zong TEDIM CHIN TO ENGLISH DICTIONARY Head word 2000 val tawh laimai 700 bang kizo ta hi. Hih thu ah zong Dr. Thang Za Tuan, ASEO Pu Suan Khan Mang (late) TEO, Pu Tun Za Dal TEO leh London Oxford University pan aa, Emeritus Professor (Linguistic) Eugene Henderson ii Preface leh Introduction pen Siapi Vul Za Thang leh J Gin Za Twang te’ gelh ahi hi. Hih ii minam mualsuang laibuteng ii mualsuah zawh theih nadingin Zomi, Zogam, Zolai a vei zawdiak muntuamtuam te panin lametna lianpi kinei hi.

Comments (5)

Pau Do Lian@ Jeffrey said:

... Zomi Encyclopedia laibupi kikoicingahtheidinga hia? simnuamtak inge,guai Sia Pum Nang tung ah lungdam huai mahmah hi. A kizuakciang hong theisak ve vua!

May 07, 2010

Peter Lian Boy said:

... hih bang a,Zomi Encyclopedia mikim simtheih, ding a hong pian na dinga hong ngaihsun khia a, kum sawm kum30 sung kuhkal tak a, a kaikhawm Sia Pum Nang leh thagui thatang, pilna siamna, sum leh pai sit lo a mapang te nat thupit zensi uh cia maw.

May 05, 2010

lian khen pau said:

... Kei Tedim mi hilo ZOMI ahihhang in ka ZOMI te tawh ka khuapi pen Tedim hi. ZOMI ka hihi

November 29, 2009

illuminati said:

... splelling diklo om thei mah hi maw. Zomi Encyclopedia ah, capital 'E' kizatna pen, book title ahih hang a, capital letter 'E' kizang hi zaw mai thei ding hi. Adang typo zong omlai maithei.... Damdam in tuadan in, kipuah toto leng khangto semsem ding hi hangh.

June 13, 2009

Siambawi said:

... Zomi Encyclopedia hong piang khia ta tak ta ding hi ciang lungdam huai sa mahmah ing. Encyclopedia kammal gawm pen encyclopedia hi zaw ai tam ci ing. siambaiw

June 04, 2009

Name

Comment

smaller | bigger

Write the displayed characters

Add Comment