13 Jan 2010 ni Zomi Revolutionary Army (ZRA) salpha-60 te Aisih le Phaisat khua kikal aom Meitei singnuaimite camp abuluh dingin operation lut uhi. People Liberation Army (PLA) kici meitei singnuaimi sung pan athahat pen le akum tak pen Meitei singnuaimite hi uhi. RA te buluh ding thei khol uh ahimanin Meiteite na kihem khia man in, ZRA te ciahkikna lampi ah 5 PM hun in PLA te in na pangkik uh ahimanin Phaisat khua gei mualdung ah nasiatak in kikap phial uhi.

ZRA lam pan galmai pen (point) ah pai masa Taang Thang Za Muan @ Mark, Go Chin Khup Veng, New Lamka le point 2 na ah pai Taang Thang Min Lun@ Tiger, Tiger of Sanggaikot te in Zogam le Zomi adingin anuntak uh piakhia uhi. PLA te lam pan in zong mi thumte tua mun ah RA te kap paih in si pah uhi. Tua ban ah PLA lam pan tampi mah liam le bai in taikek mang uh in, 16 Jan 2010 ni zingsang in Meiteite 2 Cikha zato ah si in aliam abai zong tampi tak om lai hi cih thu kiza hi.

Hih akikap ni mahin India gam Interior Ministry pan Under Secretary GK Pillai le SPDC te Interior Ministry pan Deputy Minister Brigadier Phon Shwe te kimu khawm in gamgi bulphu in Northeast ah om singnuaimite vai, Kawlgam sungah om singnuaimite vai le guih theih kham theih vankham nasepna omte tawh kisai thu piang teng kikup ding in akhen sat ni hi citciat hi.

Mr. GK Pillai pen 19 -21 January,2010 sung Nyaypidaw ah zin ding hi. 2009 kum February kha sung in zong India Vice President a Kawlgam hong zin laitak in RA le Meitei te kikap uh in Meiteite 2 si-in khat nak liam mahmah ngei hi.

PLA makai N. Bisheswar Singh in ‘ Kamhau gam, kokhut sung tungta’ cih Metei lai tawh akihawm Meitei Media khat ah gen khin hi. PLA pen Septenber 25.1978 kum pan akipan hiin, Zogam sung ah PLA galkap 90% om khin uhi, Zogam sungah PLA te cin sa Zavom Acre 2,000 val phata ding in kilam en hi.

RA te operation lut ding apaina thu uh Meiteite tungah thu anapuak ahi Aisih khua pan minam zuak Zomi nih le thum om ahimanin Meiteite atai man uhi. Sum le pai deihluatna hangin minam hong zuak ahi Meitei te khutzat te tawh kisai mai lam ah nakpi tak in thu kinei ding hi. Cikha, Tonzang, Tedim, Kawlpi, Tamu, Sialthozang, Aisih, Suanghoih le Meiteite om na te ah Zomi hong zuak mite a thu uh ki kankan khin le akicing in ki thei khin hi cih thu le tua mite akikhel kei uh leh ki siangsuah ding hi.

Sikai Division, Mandalay Division, Rakhine state le Zogam ah Meitei singnuai mi pawl 6 bang om khin uhi. Meitei te in phualpi in aneih uh ahi Zogam sungteng ah suak tatak in om theihna, Zogam ah Zovom suak tatak in hong cin theihna apia UItalte le Meiteite Zogam sung pan ii hawlkhiat zawh kei leh ‘Ei Pu, EiPa te kha in khangthak Zomi te hong awilo dingin thupha kingah lo ding hi. Tua ahimanin ei Pu ei Pa gam pan aman lang thei penpen in PLA@ Meitei galkap te le adang Meitei singnuai miteng ii hawl khiat ding kisam ta hi.

Comments (5)

Jack zomi said:

... Mark pen ka thei chiah kei a, Tiger a hih leh ka lawm a hi, hih thu ka thei hak lua a, pawi le ka sa mah mah hi. Ka lawm it Tiger leitung a ding in mangpha kong khak hi.gam leh nam a ding a hin na na piak man in, mi dang te a ding in et teh huai na hi.

August 31, 2010

Greybar said:

... Zogam,Zomi damsawt hen. . .

August 21, 2010

sumdeih luat na tawh ii minam zuak kei ni laizomzomi uleh nau te aw' said:

... mei tei te leh kawlte zomi te zah a hangsan na nei kei uh'trick leh sumtha hat na tawh bek na a sem te hi,ii zomi te mah khut zat a hong nei lai ding hi,laizom zomi te aw ii hauh nang zong hi kha peuh mah lo ding,ii zomi te hong tok sia nuam gige u hi cih lung ngai in pil vang tak in ngaih sut huai sa ing,laizom zomi te aw' wi,

January 20, 2010

Paulian said:

... The Sangai Express - Two ZRA cadres killed in shoot out IMPHAL, Jan 14 : Two cadres of ZRA were slain in a reported shoot-out between UG groups at Singtam Khu-nou under Singhat sub- division of Churachandpur district last evening.....

January 18, 2010

Paulian said:

... ZRA leh PLA te kikapna mun pen, CCpur (Lamka) district sung hi zaw ci dan in ki gen veh aw. A kikapna thu pen, Christmas 2009 lai a, PLA ten Lamka lam a Hiangtam ZRA campt a va do simna uh a thuk kik kici zaw hi. ZSYO te report pen koi lam pan na ngah uhia? ZRO te statement ah Phaisat khua kawlgam thu zong ki hel lo hi veh aw.

January 18, 2010

Name

Comment

smaller | bigger

Write the displayed characters

Add Comment