Tulsa, Oklahoma - Kum 62 cin’ Zomi Namni pawipi lawpna pen Tulsa, Oklahoma State ah Zomi Innkuan inntek natawh na siatak in kibawl hi. Hih pawipi ah mipi 400 kim kikhel zo a,Mangvom Mangkang, Hispanic, Vietnamese, Karen teleh Kawlte pawlkhat zong ong kihel thei uhhi. Zomi sungpan muanleh suan, Leitungbup Zomi Innkuan pan President pu Dr. Chin Do Kham leh Dr. Chin Khen Mang, Zomi Innkuan USA pan Rev. Thawng Khan Cin, Pu Awn Za Pau leh Pu Go Sawm Khup te ongkihel thei uh a, Oklahoma Zomi khuanu khuapa te ki-angtang mahmah hi.

Zinmangpi Dr. JM Ngul Khan Pau, California pan ong kihel thei a, hih Zomi Namni pawipi ah nitum nalam Mikang te ngeina leh ih Zongeina te ek-kak a, nuntak ziading, Zomi te ih lungsim puakzia ding, ih Zomin’ teleh ih Zokam te mah cilbawllo, zumpihlo tak a ih zat ziahziah ding leh ih Zomin’ te ah, mintawpna amun leh ahun zui a akisap zia, India lam Zomi pawlkhat te zatzia te tampi tak onggen a, khuanu khuapa khangthak Zomi American te a ding ngaihsut huai thutampi takte ongphawk sak hi.

Dr. Kham Khan Khai makai in, Kawlgam pan Dr. C.Thang Za Tuan leh Tedim Association tetawh kithu za a gelding a hi, Muatam Kialpi huh na ding zong hihpawipi ah kigel a, USD 2,000 val kingah hi.

Hih Zomi Namni pawipi ah, Tulsa pan bek hi lo in, Alabama,Texas, St.Louis, Oklahoma City, Midwest City, Norman leh Stillwater pan pawipi simding in Zomite ong pai kawikawi uh a, ongpai uh kisik lo-in zong lungleng vetlo uhhi. Ngeina lam, Gamit na late sakna Country, Rock, Alter leh Hip hop dongin lawptak in kisa ziahziah a, khangthak Zongeina puansilh nikte’n zia Fashion Showte muhnop kisa mahmah hi.

Comments (0)

Name

Comment

smaller | bigger

Write the displayed characters

Add Comment