|
ZONET: Rev.Dr.S.Pau Khan En in Kawllai aa gelh, Sia Pau Lian Mang in Kawllai pan Zopau aa alehkiiik, "Kipumkhat ding aa nongdeihna thu kote hong hilh in" - "Teach Us Your Will to Have Unity" sung pan, Kipumkhatna Thupomzia - The concept of Unity" cih thuluneu, tutak ei Zomi te ading ettehding hoih sa kahihman in ongsuaksak sawn ing. Laigelhpa in Pawlpi tawh kisai aa agelh ahihhang Zomite ading inzong akibulh thei pahpah ding in ka umhi.
Kipumkhatna Thupomzia - The concept of Unity
Bold, Italic aa kigelhteng laipuaksawnpa behlap ahihi.
Khristian Pawlpite/Zomite kipumkhat ding cihciangin, Khristian Pawlpi/Zomi khempeuh na khempeuh ah kibangding cihna hilohi. (Unity is not uniformity).Kibat theih nading in apualam pan thapiakna leh tawsawnna (external imposition) cihte zong deihhuai tuanlohi.
Khristian Pawlpite/Zomite lunggulh kipumkhatna cihpen, thu-ummi/Zomi khatciat lungtang sungpan aa phulkhia ki-itna tungtawn in hong piangkhiading kipumkhatna ahihi.
Itna omlopi aa kipumkhatna pen kipawlna kilamzia(structure) tungtawn aa piang kipumkhatna bek hilel ahihman in, kipumkhatna man taktak hilo aa, ahuut hilelhi. Khristiante/Zomite kipumkhat nading kalsuanna ah, leitung aa om Khristian Pawlpi/Zomi khempeuh Pawlpi khat/kipawlna khat in gawmding cihna hilohi. Pawlpi/Kipawlna lianpi khat (one super Church/community/organisation) phuanding cihna zong hilohi. Leitung aa muhtheih pawlpite/kipawlna (visible churches) khempeuh pen muhtheihloh Pawlpi/silehsa khat (one visible Church) sungah akihel khinsa uh ahihman in, Pawlpi/kipawlna lianpikhat phuatbehbeh/hanciam kullo hi.
Khristian Pawlpite/Zomite in lunggulh in ihanciam kipumkhatna cihpen, thu-upna (belief), thupomzia (doctrine), thuzuihna (practice) zatngeina (tradition) cihte tungtawn aa piang Pawlpite'/namneu tuamtuamte kibatlohna namkim (diversities) teng kantan in, Khrih' itna bulphuh in, kitelsiamna tawh khat leh khat kithusimna (mutual recognition), khat leh khat kisansiamna (mutual acceptance), khat leh khat kizah taakna (mutual respect) cihte a om nading sepkhiatna ahihi.
Tu aa thumteng ong kicing hileh, Khristian Pawlpite/Zomite in kibatlohna, kilamdanna teng kantan in kipanpihna (co-operation) hong neiding uhhi. Tuapan in Pasian deihna ahi, Biakpiak neihkhopna, Pasian' na sepkhopna cihte hong omding aa, mit aa muhtheih kipumkhatna (vissible unity) hongpiang dinghi.
Khristian Pawlpite/Zomite lunggulh kipum khatna cihpen kibatlohnate' galkhat aa om kipumkhatna, kilamdang kimlai mah kipumkhatna (unity in diversity) ahihi. Tuni tuhun Zomite'n hih thukhun tel tekin zuihding hanciam tek hilehang, tuni tuhun aa ih kitot ih kiselsel na te tawmtuam ding in ka umhi
Laingelh Pu Hang Khan Lian pen, Zomi Innkuan - Singapore ah thusapi hi a, leitungbup Zomi Innkuan ah zong Vice President ahi hi. Minam khantohna ding, hun le tha pia a, minam it makai khat hi. Pu Hang Khan Lian pen E-mail tawh
This e-mail address is being protected from spambots. You need JavaScript enabled to view it
ah ki zoppih thei hi.
 |
