|
||||
| Zomi World Cup 2009, USA |
 Miami khuapi ah ZOMI WORLD CUP ci-in Bawlung ki dem na kum sim in a bawl na uhah, tu laitak in, team 9 in bawlung ki dem nei san uha, Florda state pan team 3 leh khua dang tuamtuam pan team 6 pha in ki za hi. Hih team te sungah Tulsa pan zong team khat, motor 2 tawh pai suk in, lawp thei mahmah uh cih kiza hi.
Florida Zomi Innkuan ten anuai bang in USA a om Zomite tung ah sapna nei uhi.
" Zomi World Cup -2009, U.S.A" pen nasia tak leh nopci tak in Florida ah ni nih sung ki bawl sawm hi. U.S.A gam sung aa om Zomi Innkuan te leh Zomi kipawlna a tuamtuam te pan in Tukpeng Pawl hong pai teng tawh a vekpi in pawl 10 bang ki pha ding hi.
Amun: West Regional Park, 20200 Saddle Club Rd, Weston, FL 33327-2482 Map W Regional Park (click here to se e th e Map) Driving Direction From I-95 
Bookmark
Email this
Hits: 403 Comments (2)
Mungno Nawluck
said:
|
 |
... Zomi USA Cup 2009 hong pai u leh nau te, A masa in Zomi Youth Community ( Youth ) min tawh lung dam hong ko masa ung. Hamsat na tampi kawmkal pan in, hun bel ihmutnang, datsi bei in, Nashviile Khuapi, Tennnessee state ah,ki itna lak ding leh Zomi te tuibang kingawm theihna ding tupna bek tawh nong ki heltheih man un kalung uh dam mahmah hi.Na gim na tawlna te uh, Ih biak Pasian in,Thupha tampi hong pia ciatta hen. Ko inntek te lam pan in, kicinlohna tampi om kawmkal pan khat leh khat ki telsiamna nei in,hun bei dong buaina khat zong omhetlo a, hong zawh pih Topa min ih phat a, akimawl te zong misia leh khut leh khe aliam a baii om hetlo ahih man in, lungdam ih ko sawnsawn hi.Na sup nabai na te uh Topan hong thukkik ding hi. Tukum Zomi USA Cup 2009 pen ZCF makai pawlkhat ten acihna ding a theih nawnloh ciang in, khangno te hong ap uh a, khangno te hanciamna bek tawh a kibawlkhia zo a hihlam hong theisak phapha nuam ung.Tua ahihman in, kicinlohna leh akisam mun te ah nong maisak na ding uh leh mailam ah hici zaw leh cihdan in idea nong piak ciatna ding uh zong kong ngen uh hi. Tu kum Zomi USA Cup 2009 kimawlna ah, 1.Zomi USA Cup 2009 Champion Cup leh Dollar 500 $ pen, Heitui Momno Tulsa ( ok) pan in muhnop tak in hong la zo uh hi. Zomi USA Cup Medal 18 zong mikim kipia kim thei hi. 2. Zomi USA Cup 2009 Runner Up leh Dollar 300 $ pen, Zomi Innkuan Kansas pan in, siangtho tak in hong ngah thei uh hi. 3. Zomi USA Cup 2009 Best Player pen, Zomi Innkuan Missouri pan in, Tg.Sumpi in, asiamna namkim hong lak in hong ngah thei hi. 4. Zomi USA Cup 2009 Best Goal Keeper pen, Heitui Momno Tulsa ( OK ) pan in, Tg.. Pau Suan Thang in siamtak in hong ngah thei hi. 5. Zomi USA Cup 2009 pan in, Hong pai thei khuadang te ahi, Zomi Innkuan Kansas Zomi Innkuan Missouri Heitui Momno Tulsa Zolawkta Memphis ( TN ) Hih atung ateng Phawk tawntung na leh lungdam lahna in, Zomi USA Cup 2009 aneu khat ciat ki pia lai hi. Zomi USA Cup 2009 kimawlna tawh kisai in, Board pan in hih anuai a bang in ciaptehna kinei hi. A. Zomi Innkuan Missouri pan in, Mark – 3 Goal - 6 B. Zo Leng The Nashville Pan in, Mark – 1 Goal - 5 C. Zo Phual Va Nashville pan in, Mark - 4 Goal - 4 D. Zo Lawk Ta Memphis pan in, Mark - 1 Goal - 6 E. Heitui Momno Tulsa pan in, Mark - 3 Goal - 12 F. Zomi Innkuan Kansas pan in, Mark - 4 Goal - 6 Cihbang in Ground kimawl na list ahihi. A mark leh a goal ki en in, team nih hong kia uh a, Semi Final ah hih anuai ateng hong kahto leuleu uh hi. Zomi Innkuan Kansas in Numbert 1 na mun ah hong om hi. Zo Phual Va Nashville in Numbert 2 na mun ah hong om hi. Heitui Momno Tulsa in Numbert 3 na mun ah hong om hi. Zomi Innkuan Missouri in Numbert 4 na mun ah hong om hi. Hih atung a numbert teng crossing in kisui kik in, 1 vs 4 ( Zomi Innkuan Kansaa Vs Zomi Innkuan Missouri ) Goal 3 Goal 1 2 Vs 3 ( Zo Phual Va Nashville Vs Heitui Momno Tulsa ) Goal 1 Goal 3 Cih bang in Semi final ah Zomi Innkuan Kansas leh Heitui Momno Tulsa te Final hong kah to uh a, muhnop leh nop ci mahmah in, kimawl siam mahmah uh in, hun beilam zong ki thei man lo dektak liang hi. Zomi USA Cup 2009 Nashville Zomi Youth Community te makaih hanciamna tawh a kibawl pen a kizo to thei hi ta a, Heitui Momno Tulsa te in Goal 3 leh Zomi Innkuan Kansas te in Goal 1 tawh hunte aki zo thei ahih man in Topa min ih phat hi. Hong tung ding 2010 ah zong Khangno te bek hilo in Khua nu khua pa te tawh khut ki lenkhawm theiding in zong khang no te Ready sa in omkhin uh a, tu kumsang in anopci zaw leh apicing zawding in zong ki lam en zaw hi. State tuamtuam pan Zomi u leh nau te akua maciat nong paikim ciat zawhna ding un zong athak in kong zawn phapha uh hi. Photo te pen edit kik nai lo a hih man in, aki en theipak ding pawl khat bek hong ki khah khia ding a, Video cemara tawh akicing in aki zaih ahihman in, tua te DVD in aki bawl khiat zawh ciang in, hong pai State tuamtuam te hong ki zasak kik ding hi. State dang pan leh Nashville khua pi sung pan Cemara photo ( man ) azaih kha te in hih tnzomi@... ah nong khak nading un zong huhna kong ngen uh hi.Website thak khat kibawl a tua sung ah ki guang khin nuam leh ciapteh tawntung na in ki nei ding ahihman in hong khak kim ciat un. Zomi USA Cup dam sawt ta hen.. Topan hong gualzawhpih ahihman in, lungdam na lianpi tawh, Zomi Youth Community ( TN ) http://www.slide.com/r/cD7BKhApzT-aByEz9I-OeFabEHVfcvEG Source: http://groups.yahoo.com/group/zomi/message/45610 |
Write comment
