Hih a nuai aa article hoih sa mahmah kahihmanin a thei na om uh zongh iin a thei kha lo te leh a thei nuam gige Zomi tampi om ding cih ka up man iin hong theh khia ingh. Hih Soursop or Guanabana in Chemo treatment (cancer damsak nading chemo therapy zatna" sang in a zah tul 10 (10,000) iin thahat zaw hi ci hi. Mikang te'n "soursop", Spanish te'n "Guanabana", or Asia gam mun khatkhat ah "Guyabana" leh Brazil te'n "graviola" ci uh hi.

Hih sing kung peen Equitorial and tropical climate te ah a piang ahihmanin Central America leh Asian gam tuamtuam te ah zongh om kawikawi hi. Soursop or Guanabana cih tawh mi te in thei peen uh hi. Kawlpau leh Zopau iin hih singgah or singkung min thei kha lo hi'ng. A singgah zongh a mu kha ngei nai lo hi mai ingh. Kawlpau or Zopau tawh a thei kha na om uh leh hong theisak un.

Cancer Killer cih liang peen cancer a that pah zuaizuai kei zong iin nisim iin ne zelzel lengg cancer ih ngah loh nading hong huh hamtang ding ahihmanin cancer tawh a kipelh nuam aa cidamna a lunggulh te a ding deihsakna tawh koi ah ngah thei ding cih zongh hong gen beh ingh.

Hih soursop peen mun khempeuh ah om khol lo iin a thei kha zong tam lua lo hi. Mun dangdang ah a om kha zongh'n a huam pi iin kei theihna ciang ah a nuai aa US Grocery market nam nih ah kimu theih hi.

1. Asian Market (Oriental Sea Food Market) te ah kingah thei hi. Hih mun te ah aluminium can tawh a kibawl hi aa concentrate or 100% hi lo ahihmanin lei tak khol lo hi. Bung khat ciang in $0.70 - $0.80 ciang bang man thei hi. Hih te peen kidawn pah thei ahihhangin lei tak lo hi.

2. Hispanic Grocery/Meat Market te ah om thei pha diak hi. Ko om na California gamsung bang ah El Tapatio Market, Cardena Market, MexiFood, cih bang mun te ah kingah hi. Plastic packet khat ciang in $2.70 kim pawl bang hi aa US gam sung aa State tuamtuam te ah ih grocery store company te kibang lo ahihmanin bang zah man aa koi ah kingah thei ding cih peen gen tei lian keng. Leitung gam tuamtuam ah zongh kibang lo ding ahihmanin a tom iin Goya Company product a zuak Food store te in zuak thei hamtang uh hi.

A tui sa aa dawn pah theih te pawl iin om lo iin plastic bag tawh Guanabana Pulp ki ci iin freezer section ah koih thei uh hi. Guyabana or Guanabana or Soursop ci in dong le ucin hong huh thei ding uh hi. Sugar, milk, etc. tawh blender zangh iin no deih dan aa bawl beh ding hi. Tawm khat thuk hiuhiau iin a lim lua ahih loh hang iin ki ne thei mahmah lel hi. Kei bang in a gim khawng zongh namtui iin lim a sa hi mai ingh. Juice leh dawn theih tuamtuam ih nek ih dawn veve ah Cancer cell te a that thei or cancer a pian loh nang aa a dal thei singgah or singgah tui om thei ahih leh nek huai sa ciat lo ding ih hia ma te!

Zomi te ih omna ciat ah Topa'n cidamna thupha hong pia ciat ta hen. Topa Pasian' Sabbath ni Siangtho thupha namkim, no te khempeuh tung ah hong tung ciat ta hen.

Read full articles in English - Soursop the miraculous natural cancer cell killer

Comments (0)

Name

Comment

smaller | bigger

Write the displayed characters

Add Comment