Dammaw Sanggam...!!!
Written by Dr. Chin Do Kham    Thursday, 26 August 2010 16:25    PDF Print E-mail
J H Cope Centinial Jubilee a ding $ 43,225.59 huhna kingah

khampp4Leitung Gam Tuamtuam aa Om Zomipihte,

Zogam ah Christian upna thu hong puak Sangmang Joseph H. Cope Zogam hongtun zawh kum 100 cinna leh, a ma hong bawlsak Zolai ih neih zawh kum 100 cinna kigawm in a hongtung ding November 25-28, 2010 sung Tedim khuapi ah nasiatak in Pasian tungah lungdam kohna pawi bawlding ih sawm hi. Hih pen pawlpi khat ii kum 100 cinna pawi hilo in, Zomi bup tawh a kisai kum 100 cinna a hihi. Hih kum 100 cinna nang leh kei nuntak sung aa hong tun khak pen hampha ka kisa mahmah hi. Mipi tul 50 bang phading in innteek lamten lam en uh hi.

Cope Centennial Jubilee Hall Lamding Khensatna leh Maban Ih Neihdan:  A beisa kum 100 sung Pasian hong ompih na leh ih sangmang pa Cope phawk na in Zomi te in a kisam bang aa ihzat theih ding ngimna tawh “Cope Centennial Jubilee Hall” pikhat lam ding in Central Committee te in khensat na nei uh aa, tu in a ki lamlam ta a hihi.

Gamdang Tungsa Zomi te Panpihna Kisam:    Tua kum 100 cinna Hall pi lamna ding in kawlgam sum teng  tul khat val a beiding hi aa, innlam aa ten a hih theihzah un a na hanciam hang un kicing zo nai vetlo hi.  Tedim ah Central Committee om aa, Yangon ah zong committee khat mah om hi. Tua bang mah in,Tedim aa om Central committee te vaikhak na tawh USA gamsung aa fundraising bawl nading committee khat kibawl aa, tua committee te in zong a hithei bang in mapang uh hi.

Tuni ciang USA gamsung aa om Zomi te tung pan in Fundraising Committee USA tungtawn aa sumtang leh upna kamciam hong kipia khin teng hih a nuai aa bang a hihi.

1. Chicago = $3540

2. Grand Rapids & Battle Creek, Michigan = $3450

3. Kansas City = $1300

4. Washington State = $2300

5. Salt Lake City = $640

6. Lincoln, Nebraka = $1650

7. Nashville, TN = $4789

8. Iowa Zomi Innkuan = $500

9. Zomi Community Church, FL = $2240

10. Oklahoma City = $1800

11. Amarillo, Texas = $1745

12. New Mexico = $1500

13. Phoenix, Arizona = $2190

14. Atlanta Zomi Laizom Christian Fellowship = $4270

14. Tulsa, Oklahoma = $11311.59

TOTAL  = $43,225.59

Kamciam leh sumtang tawh hong piakhia mimal ciat tung ah ih biak Topa Pasian in a thupha guahbang hong zusak ta hen. Hih a tung aa (Fundraising Committee USA) tungtawn aa hong kipia te ban ah mimal mintawh direct aa Tedim Central Committee te tung aa a na khak khin zong nih leh thum om hi. USA gamsung aa Zomi te lom om na mun tuamtuam te ah hih thu limtak in gen aa upna kamciam ka kaihkhop kawikawi ciang in mipi te kilawp mahmah aa, neih man hi lo, Pasian muanna leh minam itna tawh hong kipia ziahziah kamuh ciang in lungdam in tha kangah mahmah hi. Tua bangmah in gam gamdang mun nih mun thum pan in zong, sum pawlkhat kikhak khin ta a hih man in lungdam mahmah hang.

Maapang Khawmni:   Zogam bup huam aa Pasian min leh minam aa ding deihsakna, lainatna, thungetna leh sum leh pai tawh hong kihel sa khempeuh  tung ah lungdam thu ih ko hi. Hong kihel laiding te tungah zong lungdam ko khol hang.  Zomi te mimal leh kipawlna tuamtuam pan in, ih neihzah sitlo aa ma ih pankhop nading in Zomi bup aitang in Tha kicial hang. Hih kum 100 cinna Hall pi ihlam pen November kha aa ih pawipi ciang ih zat theih ding in kizo man nuam a hih man in, ih piakzawh zahzah a manlang thei pen in khak ziahziah ni.

$100 leh A Tungsiah  a Piate Min Hall Pi Sung ah Kigelhding:   Sum khekna khangzel kiamzel a hih man in US$100 a pia te kawlgam sum Ks. teng khat a pia in kiciamteh ding aa, Ks. tengkhat leh a tungsiah a pia khempeuh a min uh Hall Pi sung/pua mun khat ah ki gelh zihziah ding hi.

Sum (Check) Khaknading Mun:  Gam dang mun tuamtuam aa om Zomi te in Tedim aa Central Committee te tung ah direct in nana khak un.  USA gamsung aa om te in Check na gelh uh leh,  na check tung vuah MZBC cih hong gelh unla, hih a nuai aa address ah hong khak un. Ih ngah zahzah a lom aa a ki khaksuak pahpah a hihi. Hih thu tawh kisai dot nop leh theih beh nop a om leh Dr. Chin Do Kham (918-409-3963) or Rev. Thawng Khan Cin (918-282-2573) or Pa Vung Lian Mang (918-906-9274) te nong contact thei uh hi.

MZBC

P.O.Box 701144

Tulsa, OK 74170-1144, USA

USA Hong zinpak Tedim khua sung Cope Memorial Baptist pawlpi senior pastor Rev. Khup Khen Pau Interview na:  Rev. Khen Pau tawh kum 100 cinna vai Tedim khua innteek lampan vaihawm nadan tawh kisai holim (Interview) na hih youtube pan in Part 1 & Part 2 ki enthei hi.

http://www.youtube.com/watch?v=eIx2N1tXbwo

http://www.youtube.com/watch?v=H0Db8ZcXjc4&feature=channel

Hibang aa Pasian aa ding leh ih Zogam aa ding aa mapan khop theihna hamphatna hongpia ih Topa’n minthan na ngah ta hen! Khut kilen in mapang khawm ni.

Khazih leh Zomi sungah,

Chin Do Kham, D.Min., Ph.D.

Chairman

Cope Jubillee Hall Fundraising Committee USA
Share/Save/Bookmark
Comments (5)add comment

Thangho said:

0
...
@lunggam, kei maw nong theih nop leh, ni dang in Dr. Ngin Thawng tanu nu a khem a, Ygn Oral Robert Seminary ah laisiang tho trainning kah in maw, tua pan tan 10 ka on loh hang, Korea ah laisiang tho kah dia pai in M.Div na la ing. Ka ki Zomi sak nop hang ka zi zong Thai te hi sawn sawn e. Zawh teh USA ah D.Min khawng laisiang tho sang peuh ah Ph.D na la liam luam pong ing. Ka man teh Philippines ah laisiangtho sang ah dean din hong ki sam a, Filipino nu mei khat tawh mawh kha in maw hong ki ciah sak. A man in ci leng Pasian mai ah Pasian na sem khat tu bang a mawh na ka bawl hang Pasian in hon zang ih ci diam Zomi te hai lai ih ci diam piang piang thei sam ing ei.
December 21, 2010

Lunggam said:

0
...
@Thangho. Na thugen na tel hia? Nang kua na? Nang bang thei na?
December 20, 2010

Thangho said:

0
...
Ih Zomi te pau lam in donation peuh bawl bawl kei leng hoih sa ing
December 17, 2010

Itna command said:

0
...
smilies/smiley.gifTopa thupha tak2 mah hi maw....
December 04, 2010

msmangno said:

0
...
Thupii ei na vai hawmna te mah2 uh......Topa le minam ading hong hi tak pi ding hi.Pasian min thang sem2 ta hen!
October 11, 2010

Write comment

security image
Write the displayed characters


busy
Last Updated ( Thursday, 26 August 2010 16:32 )
 

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.