|
 Zogam lui lamah internet pen Zogam thak lam sangin ollo zaw ahih manin ZONET ah lai at ding zong ollo hi. Lawmte khat in, "Zogam ah a bangmah a free om nawnlo," ciin ciamnuih-cihtak in gen a, nai cing peuh leh internet zatman zong piak den kul ahih manin a free lo suak takpi hi. Zawngtah zong kikholh nawnlo, vuttui zong kikholh nawnlo, tuibuk zong kikholh nawnlo, sabak zong kikholh nawnlo, ankamteh zong kikholh nawnlo, maiteh lom zong kikholh nawnlo gam suakta (i Zogam nuam) ........... na khempeuh lei kulta ahih manin internet zong free nawnlo a, Zogam thak ki-miss mahmah hi.
Bangbang ahi zongin lunglutna khat, tukum Nobel Prize - Chemistry, Physics leh Medicine ngahte thu tawm hong gelh zal ing.
1. The 2009 Nobel Prize in Physics: Hih pen mi thum in ngah a, a sum pen khennih kisuah ding hi. A masa pa CK Kao hi a, a nihnate WS Boyle leh GE Smith hi.
 Charles K. Kao in 1966 kumin tulaia 'optic fibre' hong piankhiatna ding bul na pan ahih manin tukum Physics Nobel Prize kipia hi. Amah tu laitak in Standard Telecommunication Laboratories, Harlow, UK, and Chinese University of Hong Kong ah sem hi. 1966 kumin, "mun khat pan mun dang gamlapi khat ah meitang (light) puakna dingin limlang (glass) bangcih kizang thei ding hiam" cih ngaihsun hi. Tua hun laiin limlang tawh meter 20 tan bek meitang kipuak thei a, meter 20 sang gamla zaw bangcih puak thei ding i hi hiam cih a theinuam hi.
Niin kihello limlang kibawl leh tua tawh meitang mun gamlapi kipuak thei ding hi cih ngaihsun khia a, a ngaihsut khiat zawh kum 4na, 1970 kum ciangin tuazaha limlang siangtho kibawlkhia takpi a, meitang zong gamlapi kipuak thei takpi hi.
Tua meitang (light) zuiin awging, lim, video, etc. leitung kiuli ah kipuak kawikawi theita hi. Tua Optic Fiber hangin tuni in internet zangin thu, la, awging, milim, video, etc. ikikhak ziahziah thei hi. Global Broadband Communication i cih internet te hih Optic Fiber zanga kikhakkhia hi.
 Optic Fiber zuia kikhakkhia limte, awte, leh video te pen a tamzaw digital image vive ahi hi. Tua digital image i cih pen a dang khatte, Willard S. Boyle and George E. Smith, tu laitak in Bell Laboratories, Murray Hill, NJ, USA semte muhkhiat hi leuleu hi. Amau muhkhiat pen CCD sensor, ahih kei leh imaging technology using digital sensor zong kici hi.
Hih CCD sensor in meitang (light) pen image (lim, milim) suaksak hi (transform). Einstein in a muhkhiat photoelectric effect hanga om hih milim pen electric signal hangin image suaksak a, tua image pen Optic Fiber zuiin mun tuamtuam ah kihawmkhia thei cihna hi.
CCD sensor i zat mun mahmah khat pen Digital Camera ahi hi. Camera pan maan kilakhia a, computer gui Optic Fibers zuiin utna peuhah i khak thei hi!!
 2. The 2009 Nobel Prize in Chemistry: Tu kum in India ah suak Dr. Venkatraman Ramakrishnan, MRC Laboratory of Molecular Biology, Cambridge, United Kingdom ah a sem laitak; Dr. Thomas A. Steitz, Yale University, New Haven, CT, USA ah a sem laitak leh Dr. Ada E. Yonath, Weizmann Institute of Science, Rehovot, Israel ah a semte in hih minphatna ngah uh hi. Amau nasep ahih leh mihing ci leh sa sungah a om ribosome a kancianna uh pan hi ("for studies of the structure and function of the ribosome").
Note: December 10, 2009 ciangin hih Nobel Prize te kipia khia ta ding hi! Barack Obama in Peace Prize ngah hi.
.................(zop lai ding)
photo credits - upi.com
 |
