|
Zomite kipumkhatna a khan semsemna ding ngimna tawh a beisa 2006 akiphuan khia Zomi Football Association (ZOFA) makaihna tawh ZOFA CUP kumsim in kinei hi. Pasian deihna om leh tukum a 4 veina ZOFA Cup zong October 27,2009 ni ciangin kipan kik ding a, Kawlpi khua sung pawlpi tuamtuam leh Kawlzang huam khua pawl khat pan a vekpiTeam 16 kihel thei ding hi. Hih ZOFA ngimna bulpi in bawlung tawh kilawmtatna ciang bek hi loin, Pu le pa khang a i neih zawh ngei nai loh Zomi Tualpi (Zomi Stadium) leh Zomi Innpi (Zomi Community Hall) neih zawhna ding bulpi ahi hi.
Zomite tangthu i et ciangin Kawlpi(Khawlzang) pen Zomite tun masakna leh teen masakna mun ahih banah tuni ciang dong Zomite tam i teenna pen i khuapi khat zong ahih manin, i pu i pa gam, i leitang kician khuapi zong khat ahi hi. Zomite in biakna lam leh minam vai ahi zongin vai thupi khat peuhpeuh i neih ciangin, Zomite Tualpi leh innpi om lo mawk ahih manin mi namdangte Hall leh Tualpite maizum pipi in ki kawm daidai den hi. Tua manin minam dangte mai ah i maizum hun tam khin mahmah ta hi. Tua hi in A a sawt loin ZOFA Tualpi leitang leina ding zong gam sung gam pua leh leitungbup Zomite omna khempeuh ah kiciantak in huh ngetna leh zaksak kikna kinei ding hi.
Tua hih manin hih minam vei khangthakte vaihawmna tawh hong kiphuan khia Zomi Football Association(ZOFA) maban lianpi a dingin, a diakdiak gamdang a om Sanggam laizomte in awlmawh/ laina in mapankhop ding kisam mahmah hi. I gam i lei i minam i it kei a, i zuun i puah kei leh kua mahin hong awlmawh lo ding a, hong puah lo ding uh hi. ZOFA Committee zong nasiatak leh thupitak kinei in, gamsung gam pua ah kizoppih mimuan huai vive kikoih kawikawi hi. Hih i ZOFA pen ZYA khut nuai ah Sport department khatin kikoih a, na sem khawm i hi hi. Mai lamah ZOFA ciang bek hi loin, Zomi Sport Association (ZOSA) ah kilaih to lai ding i thungetna ahi hi. Tua hi leh kimawlna namkim kinei zo ding a, Zomi Tualpi sungah Zomite kipumkhatna thusim kimu taktak ta ding ahi hi. Tukum ZOFA Cup a 4 veina zong a nuai a bangin Team khennate leh a hun dingte Tongsan pan kong zasak uh hi
A ni : October 27,2009 pan kaal nih sung
A mun: Sing Unau Tualpi,Kawlpi
2009-ZOFA CUP TEAM KHENNA
A. 1. Pinlong Baptist Church B. 1. Tahan R.C.
2. Tahan Baptist Church 2. Chantaji
Baptist Church.
3. UMAS( Munlai S.D.A.) 3. Theizang
Baptist Church.
4. Youchokwin( Bodiman) 4. Kalay Baptist Church.
C. 1. St. Mary Church D. 1. Phai Z.B.C.
2. Siyin Baptist Church 2. Munlai
Baptist Church.
3. A.U.F.C ( S.D.A.PINLONG) 3.Emmanuel
Baptist Church.
4. Rhema A.G. Church 4. Pyidawtha R.C.
2009- ZOFA CUP 4 veina tungtang ah Donor te:
1st Prize - Sia Do Khan Khup, Yangon
2nd Prize - Pa Cin Khan Hau , Norway
3rd Prize - Pa Kam Za Pau, Australia
A siangtho pen - Pa Khual tawng, Kawlpi
A siam pen ading- kipia thei lai....?
Note: ZOFA Cup vai leh ZOFA ngimna leh tupna kalsuan zia a theibeh nuamte in a nuai a munte ah kidong thei den ding hi.
Sia Kham Do Dal ( Traesurer-ZOFA)
Email:
This e-mail address is being protected from spambots. You need JavaScript enabled to view it
Sia Kham Sian Pau (General Secretary-ZYA)
Email:
This e-mail address is being protected from spambots. You need JavaScript enabled to view it
Sia Thang Sian Kham (Europe Consultant-ZOFA)
Email:
This e-mail address is being protected from spambots. You need JavaScript enabled to view it
Pa Kam Za Pau (Australia Consultant-ZOFA)
Email.
This e-mail address is being protected from spambots. You need JavaScript enabled to view it
,
This e-mail address is being protected from spambots. You need JavaScript enabled to view it
Thupuak :Tongsan Weekly Journal
http://groups.yahoo.com/group/zomi/message/44692
 |
