Kumthak tawh kiton in dahna leh nuamna thuthak tampi a pian laitak in, Tedim kampau a tel thei khempeuh i khua pi a i ngaihsut Tedimkhua ah tulaitkak in  Myanmar Baptist Convention (MBC), Board of Management meeting om laitak hi. Jan 14 pan 17 sungding hi a, a kihel theidingmi 300 val lak panin 182 hong kihelthei uh hi.Association level pan in mi 3 ciat leh convention level panin mi 2, MBC zum ah Officers council te leh department heads khempeuh kihel hi.

Tedim khua pan in zintun, zindo nading mun a lemthei peen ding in, Faith Baptist Bibile College & Seminary Compound ( EBC Laisiangtho Saang) kikawm a, minambup taang a nasep na hi cih ngaihsutna tawh Saanglam makai te in hong phal uh ahih manin tualai munah ki tungsak in meeting leh annekn mun in kizang pah hi. Zintunna mun kicin loh na tawh a geinai a om , Prebyterian pawlpi te hall lamthakna munzong ki kawm thuahlai hi.

Sun in thu kikupna leh nitak biak kikhopna, lasakna cihte omden ding a, 17-1-2010 Nipini ciang in Tedim khua sung a om MBC tawh a kizom pawlpi 6 te ah kikhen in biakbiakkhopna hun hong zatpih ciatding uh hi. Nitak biak kikhop na peen CMBC biakinn kizang hi.

Tu nung Jan.4-2010 ni in zong USA Maryland State a om Germantown ah second Baptist church pan in nupa kop 4 te Tedim, Cope Memorial Church ah hong hawh uh a, Zolai, zopau hong patkhiatsak Cope Topa Tu te hong kihel in, CMBC ah kawlsum 10lakhs leh US$1000 letsong hong puak uh cih ki za hi.

Mikim aading in a manphatloh hang in mun tuamtuam a om sanggam pawlkhat te aading in thupi khading ci in a tom in kong gelhkhia hi. Hiici hi zaw cih a om leh ki phawksak tek ni.

Comments (1)

lssingpu said:

... na dam dam uh hia .nong mau thu nget sak na mah tawh dam in na ziak lam khut uh hong leng kim in zo mi te pa sian in thu pha hong pia in i om na gam tuam tuam ah hong cing hong kem na te lung dam koko ding lo ngal thu dang om kei sa in.lungdam...........

March 06, 2010

Name

Comment

smaller | bigger

Write the displayed characters

Add Comment