Dammaw Sanggam...!!!
Written by Rev. GK Nang    Friday, 22 January 2010 02:55    PDF Print E-mail
Aizawl Khuahun - Jan 21, 2010
1. Aizawlah  Passport Zum kihong ding: India kumpi in India mite gamdangah sum thalawh leh nasemin a tamzaw a pai theihna ding leh India gamah sum tamzaw a luan theihna ding ngimna-in Passport Zum mun tuamtuamah hong ding a, tua tawh kizui-in March kha ciangin Aizawlah zong khong ding cih thu kiza.

2. Jan. 9 ni-in Dr. Lam Khan Piang leh Lia Hoineimoi CBA Central Church, New Lamka -G ah Dan siangtho-in kiteng cih thu kiza. Dr. Lam Khan Piang in Ph.D. (Sociology) a ngah khit ciangin Delhi-ah Asst. Professor sem hi. Amah Tangnuam khua-ah suakin, a pa Pum Za Do (L) zong CBA makaipi laka khat hi ngei hi. Tu-in a nu tawh New Lamka-ah om hi. A lawmnu Hoineimoi pen Pa Thangsei Tonsing tanu hi a, Lamka New Bazar veng a om hi.

3. Jan. 20 ni-in Tangnuam (Lamka) in khua sat kum 63-na Sial go-in thupi takin lawm. Khual lian pen Pu T.N. Haokip, PHED Minister hi a, Mualsuang honna Rev. Kam Khaw Zam (Rtd) in nei-in Souvenir honna Pu Minboi (Contractor) in nei cih thu kiza. Tangnuam khua pen Lamka gam Zomite adingin khua poimawh mahmah khat ahi hi. Kum 1946 kumin Pu L. Khoi Pum Ngaihte in Thingkhangphai hausa tung panin Rs.400 tawh na lei-in 1947 kum ciangin inn 20 tawh khua sat uh hi. 1948 kumin "Paite National Council" (PNC) hih khua-ah kiphuan a, 1961 kumin Pangzawl tawh kipawlin CBA Pawlpi na phuan uh hi. Kum1970 ciangin Tangnuam Hausa Vum Za Kham (L)  in ama gam CBA Pawlpi pia-in tua munah Zum kilam a, Tangnuam Christian Centre kici hi. New Lamka-ah Zum a kituah ciangin Siate in ngak a, Sia Khup Za Go, Sia G.K. Nang, Sia Cin Kam te in ngak ngei uh hi. Tu-in tagah kepna inn dingin kizang ta hi. Zomite khantohna ding geelna tawh Sanginn phuan uh a, Tangnuam Model High School kici-in Siapi Sing Khan Thang (L) in makaih a, a nung ciangin Lanva khua-ah kisuanin Lanva Govt. High School kici hi. Hih Tangnuam khua panin milian pawl khat zong om a, Sia Nang Lian Thang, Superintendant of Police (Dr. Lam Khan Piang' u), Sia Kham Lian Sum, Bank Mananger, banah Pastor leh Siamah zong hon khat om hi.

4. Kawlgamah tung ding: Sout East Asian Games-2013 pen Kawl kumpi in zindo dingin thukimna om zo cih thu kiza. Tua tawh kisai-in Kawl kumpi in kimawlna ding Stadium gol mahmah khat a bawl sanlaitak hi ci-in Myanmar Football Association in gen hi.
Share/Save/Bookmark
Comments (0)add comment

Write comment

security image
Write the displayed characters


busy
Last Updated ( Friday, 22 January 2010 03:40 )
 

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.