|
Tonzang gamsung, kawlgam leh India gamgi ciau lui pan a tai thum khawng gamla a om inn 100 val deuh khua,Darkhai khua ah kumbang zah hiam khat,lamet khit ciang in, Tung lam pan in Tansawm sang (Sub-Hight Shool) kipia in, 21/ January/2010 (nili ni) in sang kong hon pawi bawl in,khuakim pan in mihon khat in uap in Sial 2, bawng 1, leh vok 1 tawh nopci tak in sang kong hon pawi bawl uh hi.
Darkhai khua bek hi lo in a kim a Zogam khua te in zawng mailam hun ah noptuam pih in mipil misiam, gam leh nam it khang no tam pi hong gah khia sang a suah ding, i lamet leh i deih penpen a hi hi. I gam i lei leh i minam, i kim i pam i et ciang ZOMI ten i kisap leh imasak den ding numbat khat na pen Pilna hi in ka um hi. Mai lam ding sau pi en le hang Tulai tak Gamleh nam a it i mi pil te leh gamdang tuam tuam a om i suan i muan ten ong nusia leh, Tu lai tak a pil na sin zolo, sinnuam ta leh zawn leh kial tawh lampi omlo,sin nuam in hanciam mah ta leh a sang hoih loh man a, a tunding zah tung zolo,a sin zo phial zawng in pilna thupi simlo hongkhang to ding te mah makai ding uh hi mawk hi.
I gam sung ah tua a sang in bang ci leng pilna lam ah mainawt thei zaw ding,Sangkhawng i neih pong hang in laisin hoihna sang tam mel lo,Sangsia ki cing lo,NU leh pa ten lah sau pi na en khol lo in haksat leh kial tawh naupang ten sumthem khat a tha lawh theih nak uh leh sumlam ah na tawsawn zaw, kumpin lah ong kin lo i ci diam, I ZOgam khua ta lam a sang te pen keu mah mah sa mawk in. Zonet sim u leh nau ten na ngaih sun ngei kha zel diam thei keng..
Hih lam tawh kisai a thei zaw te, sang sia bang a na sem sa te, a hih kei leh ngaih sut na hoih a hi zawng in,a thei te in bang cih leng kumpin ong huh zokei zawng in ei leh ei in i sang te phuah in zun thei ding cih,na ngaih sut dan uh ahi zawngin, na muh dan khawng uh hong at zel le uh cin ong ngen nuam ing.
 |
